今日個女同事無拿拿好突然咁講, 我結婚喇!! 恭喜哂佢呀!佢話其實三月頭已經FIRM咗, 不過唸住遲D先講, 今日佢話: 我忍唔住喇, 好想講呀...見到佢個樣真係好開心...
其實我都好想結婚....唔知佢幾時先會向我求婚呢?
我既生日已經過咗喇...由於太多節目,好耐都冇上黎寫blod喇....飯當然係照煮, 不過都冇乜特別,所以唔講lu...
上星期生日好開心, 早一個星期已經d朋友同我慶祝定, 但好可惜我第二日要番工, 所以身為主角既我都要係當晚早走...而且係好清醒咁走, 唉.....生日應該係要狂飲番晚,然後醉咗咁比人送走先啱嫁嘛.....
真係人年紀大, 就開始理智, 以前真係話之佢係咪番工, 玩咗先算啦.....
anyway都好多謝我既一班朋友仔!仲有祝同我一齊生日既ivy都年年快樂....
雖然neway d蛋糕好難食, 但都係好開心....sweet.....
(閱讀全文)打咗兩晚邊爐都食唔哂d餸, 大家一望就知呢d係打邊爐食淨既野啦. 唔可以再打第三晚喇, 冇計....金菇肥牛呢味餸一定走唔甩喇...
加上honey媽媽比咗好多蘿蔔糕同年糕我, 我亦都要拿拿聲食哂佢地...可惜我煎年糕既技術真係好差, 基本上我唔係唔識點先可以煎得靚嫁. 蘿白糕都可以, 但年糕....唉...一放落去d蛋汁就變哂黑色, 攪到年糕面好似炭咁, 見都唔唔想食, 我煎完後同honey講不如掉咗佢lu....因為真係好核突, 結果佢全部食哂.....我,一舊都冇食到.....佢真係比足面...多謝你呀!
兩味我的家常小菜, 又係易過借火...不過d炒菜就"令"魚多過菜, 所以黑麻麻咁, 買相極差! ...但味道可口...
今晚食完飯, 我聽到個唔開心既消息: 我好好既朋友, 剛剛係人生最幸福快樂既時候, 上年剛結婚, 生仔,, 我仲做埋佢姊妹.... 話我知, 佢老公有鼻咽癌第三期...好突然! 唔相信呢d事會發生响身邊既人身上....
但好彩我身邊都有人試過同一樣情況, 亦都醫好過, 所以即刻將資料比佢...希望可以幫到佢...
世事真係好無常....請珍惜身邊所有人!! 我都一樣, 好好珍惜我所愛既一切!
今日我同honey都放假, 佢因為要番去舊居到睇牙, 我就話不如番埋屋企食飯啦....
嘩..今晚上到去, 有成七餸一湯....勁呀! 每次上去佢媽咪都會煮好多好多餸, 我上次講過話好鐘意食冬菇, 前兩日我又講過話上次冇食到d海參好可惜....結果今晚果然有冬菇炆海參,,,,yeah!! 好開心呀!!
所以我好鐘意上去食飯嫁, 又好食...又多餸......不過可惜成日番工真係冇乜時間....
可惜今晚掛住食, 明明帶咗相機都漏咗映相....番到黎寫blog先記得要映...頂...
是日餐單:
花其蔘瑤柱煲雞 (我飲咗四碗)
海參炆冬菇
乳鴿仔
蝦仁炒蛋
清炒菜心苗
肉碎炒豆苗
清蒸斑仔
加料斬叉燒
飽到呢... ..所以有好多野食淨, 唔好浪費, 我仲想再食, 所以唔客氣地全部拎走哂, 明天番工繼續食...
呢個月我幾乎都番夜, 所以都好難可以煮到飯....但今日難得有得番早, 我就由朝早番工嗰刻已經叫HONEY買定餸等我....
又係雞翼!! 今次係蠔油貴妃雞翼, 我都唔記得之前有冇POST過添, 實在太多雞翼喇....
另外炒咗碟豆苗...我同honey講,叫佢隨便買種菜, 點解佢就隨便買咗一隻我最唔識炒既菜喇.....老實講, 我未試過炒豆苗係好食過. 唔知係因為d菜老, 定係豆苗有d特別方法呢? 總係覺得炒完後d菜好渣, 硬硬地咁....我用一般炒菜既方法咁炒蒜蓉豆苗, 落d鹽落d糖,始終都麻麻....
